अध्यक्षको सन्देश
माधव बहादुर भट्टराई
यस श्री चुलाचुली माध्यमिक विद्यालय, तांखुवा, धनकुटा हाम्रो समुदायको साझा सम्पत्ति र शैक्षिक पहिचान हो। वि.सं. २०१९ देखि निरन्तर रूपमा यस क्षेत्रका बालबालिकालाई शिक्षा प्रदान गर्दै आएको यस विद्यालयलाई अझ गुणस्तरीय, प्रविधिमैत्री र अनुशासित शैक्षिक केन्द्र बनाउनु हाम्रो मुख्य जिम्मेवारी हो। विद्यालयको भौतिक, शैक्षिक तथा अतिरिक्त क्रियाकलापको विकासमा विद्यालय व्यवस्थापन समिति, शिक्षक, अभिभावक, विद्यार्थी र सम्पूर्ण समुदायको सहकार्य अत्यन्त आवश्यक छ। सबैको साथ, सल्लाह र सहयोगबाट चुलाचुली माध्यमिक विद्यालयलाई यस क्षेत्रकै उत्कृष्ट सामुदायिक विद्यालयका रूपमा अघि बढाउने हाम्रो दृढ संकल्प रहेको छ।